Notices

संघद्वारा प्रधानमन्त्री राहत कोषमा सहयोग प्रदान

नेपाल तयारी पोशाक उद्योग संघद्वारा प्रधानमन्त्री दैवी प्रकोप उद्धार कोषमा दाखिला हुने गरी हालै देशको मध्य तथा पूर्वी क्षेत्रमा बाढी आई धनजनको क्षति भएको सन्दर्भमा पिडित जनसमुदायलाई राहत पु¥याउने हेतु रु. ३५१,०००।– बराबरको चेक हस्तान्तरण गरेको छ । यहि २०७४ साल भाद्र २६ गते संघका अध्यक्ष श्री चण्डी प्रसाद अर्यालको नेतृत्वमा गएको प्रतिनिधि मण्डलद्वारा नेपाल सरकारका सम्माननीय प्रधानमन्त्री श्री शेर बहादुर देउवा समक्ष उक्त चेक हस्तान्तरण गरेको थियो । उपरोक्त चेक हस्तान्तरण समारोहमा प्रथम उपाध्यक्ष श्री ईमान सिंह लामा, महासचिव श्री अशोक कुमार अग्रवाल, सहसचिव श्री पशुपति देव पाण्डे तथा कार्यसमिति सदस्य श्री भीम कुमार गिरी समेतको उपस्थिति थियो ।
यसै बीच मिति २०७४ साल भाद्र २९ गते संघसंग आबद्ध सदस्य उद्योगहरु श्री प्रशुना फेशन, हेरिटेज फेशन, ईगल फेशन, श्रवण एप्परेल्स तथा बी–सुटेड नेपालबाट संकलित करीब ७५० थान तयारी पोशाकका कपडाहरुलाई नेपाल सरकार गृह मन्त्रालय अन्तर्गत रहेको मानवीय सहायता स्थल कार्गो भवन, त्रिभुवन बिमानस्थल काठमाण्डौंमा हस्तान्तरण गर्ने कार्य समेत सम्पन्न भएको छ ।